Yesu, ni Wowe dushima
Indirimbo ya 410 mu Gushimisha Imana
1. Yesu, ni Wowe dushima:
Watuguz’ amaraso yawe
Cya gihe wadupfiraga
Imibiri n’ imitima
N’ iyawe kubw’ ubuntu bwawe
Buduhay’ ubukiriro
None tur’ abawe—Kuko wadutoye;
Tugushime, —Udukere, Mucyo wacu,
Twe kuguma mu mwijima
2. Twebwe si twe twagushatse:
Ni Wow’ ubwawe wadukunze
Kubw’ ubuntu bwawe bwinshi
Twebwe nta ntege dufite:
Nta wabasha kugukorera,
Utamuhay’ imbaraga,
Yobor’ imitima! —Tujyane kwa Data
Mu bwami bwe: —Ab’ ukuri babushaka
Ntibanga gusuzugurwa
3. Garagaz’ ubuntu bwawe
Ku bataz’ ubwami bw’ Imana,
Bigumiye mu mwijima
Kera kose ntibumvise
Ubutumwa butunezeza
Bukesh’ imitima yacu
None, wategetse—Umucyo w’ ukuri
Ng’ uboneke. —Mwami Yesu, tuyobore,
Utwerek’ inzira yawe
4. Ibisarurwa ni byinshi,
Abasaruzi ni bakeya:
Tum’ abagusarurira!
Duhatwe n’ ubuntu bwawe
Guhamagar’ abantu benshi,
Bahabw’ ibyiza by’ Imana
Uwemerwa wese—Mu bwami bw’ Imana
Arahirwa; —Anezezwa n’ amahoro
Azagir’ iteka ryose