Nasezeranije guhora

Indirimbo ya 41 mu Gushimisha Imana

1. Nasezeranije guhora
Ngukurikira, Yesu;
Iminsi yose’ umpore hafi,
Mukiza wanjye mwiza
Singitiny’ intambara mbi zose,
Wow’ umpagarikiye
Sinashobora kuzimira,
Ni mpora nkuyoboka

2. Ndashaka yuko twibanira,
Ni ngeragezwa n’ isi
Numv’ amajwi yay’ anyinginga
Iteka ngo nkuveho
Ababisha baranyegereye,
Bar’ inyuma n’ imbere
Nyamara, nkwisunge, Krisito,
Undind’ ibicumuro

3. Mukiz’ ijwi ryawe numvise
Rindutir’ ayo yose:
Unyongorere mu mutima
Ngo ntumvir’ ayo moshya,
Hor’ umbwiriz’ ibyo kuntinyura,
Kand’ uhor’ untegeka,
Uvuge ngo nanjye nkumvire,
Murengezi nizera

4. Mukiza wasezeranije
Abagukurikira
Yuk’ uzabageza mw ijuru,
Bahoraneyo nawe
Kandi nanjye nasezeranije
Guhora ngukorera;
Umfashish’ ubuntu n’ ibambe,
We Databuja wera

5. Kand’ umpe kuger’ ikirenge
Mu cyawe, Muyobora
Imbaraga zawe zonyine,
Ni zo njya niringira
Ujy’ unyobor’ iyo nzira yawe,
Nkiriho mur’ iyi si;
Maz’ uzanyakire mw ijuru,
Mukunzi wankijije