Nezerwa cane wa si we

Indirimbo ya 329 muri Cantiques Kirundi

1. Nezerwa cane wa si we,
Wakir' Umukiza,
Namw'abayibamwo mwese,
Ni mutegur' imitima
Ngw abon' aho yinjira,
Ashikire mu rukundo,
Mumwakire, ntimumurekere hanze.

2. Nezerwa cane wa si we,
Umukiza yaje!
Mwa bantu mwe, muririmbe,
Munezerwe bishimitse,
Namwe bamarayika,
Mudufashe kuririmba,
Muririmbane natw' ishimwe rya Yesu.

3. Non' amahwa n'ibitovu
Ni mubirandure:
Ivyaha n'ibicumuro
Vyashishikaye kumera
Mu mitima y'abantu,
Vyabakwegey' umuvumo,
None Yesu yazanywe no kubakiza.

4. Yaje kuganz' isi yose
Ngw abantu babone
Ishimwe n'icubahiro
Vy'ukugororoka kwiwe
N'urukund' abakunda
Yukw ar' uw'igitangaza,
Tumuhimbaze kw ar' Umukiza mwiza.