Mfit’ amahor’ i Gologota

Indirimbo ya 42 mu Gakiza

1. Mfit’ amahor’ i Gologota,
Ni ho Yesu yanyitangiye.
/: Ni naho mfit’ ubuhungiro,
Kwa Yesu wabanje kunkunda. :/

2. Simparanir’ ubwiza bw’ isi,
Kukw isi yuzuyemw ibyaha.
/: Ahubwo mfitiy’ agakiza,
Mu nkovu za Yesu Mukiza.:/

3. Ni we wadutuy’ imitwaro,
Yaciy’ imigozi y’ ibyaha.
/: Nejejwe n’ agakiza mfite,
Kavuye mw ijambo ry’ Imana.:/

4. Ijambo ry’ Iman’ Ihoraho,
Rituber’ ibyo kurya byera.
/: Ni ryo mbaraga yo gufasha,
Umukristo mu rugendo.:/

5. Nabay’ urusengero rwera,
Ntuwemo n’ Umwuka w’ Imana.
/: Nsigaye nyoborwa na Yesu,
Mu nzira y’ isezerano rye.:/

6. Nawe munyabyaha, tebuka
Kwa Yesu Mukiza wa bose.
/: Akuramburiy’ amaboko
Y’ Urukundo, yo ku gufasha.:/